Unha app con moito ritmo

Pois sí, teño que recomendarvos esta app: VidRhythm

É moi sinxela de utilizar, moi resultona e motivadora, ao meu alumnado gustoulle moito.

Resúmovos a actividade:

-Contextualización: Aula de música - sesión para o Día Escolar pola Paz e a Non Violencia

-Traballo previo: investigar a palabra paz noutros idiomas distintos ao galego e castelán e traer unha pequena lista para o próximo día de clase.

-Traballo no día: 

1. Escribimos no EDI, nunha páxina do Notebook un listado das palabras atopadas, lemos as palabras e intentamos adiviñar o idioma correspondente, as persoas investigadoras resolven acertos ou erros. 

2. Cada quen escolle unha das palabras e decide cómo manifestala: coa voz, co corpo, co xesto, en parella, con percusión corporal,...

3. Á voz de tres facemos individualmente esa representación mentres gravamos  (jijiji, eles e elas aínda non saben nada...)

4. Vemos o resultado na pantalla grande.

5. Avaliamos o resultado en grupo.

-Traballo para a próxima sesión: realizar un artigo para acompañar o vídeo no noso blogue de aula.

Un dos clips:

Clip da paz 06 from Mestra Primaria on Vimeo.


Podes ver máis no blogue Música no cole , na etiqueta Día da Paz. ;)